СОНГОН ШАЛГАРУУЛАЛТЫН ЗАР

“Цахилгаан дамжуулах үндэсний сүлжээ” ТӨХК-ийн гүйцэтгэх захирлын ажлын байранд нээлттэй сонгон шалгаруулалт зарлаж байна.

Тавигдах шаардлага:

-Менежментийн ур чадвартай, 5-аас доошгүй жил удирдах албан тушаал эрхэлж байсан, мэргэжлээрээ 10-аас доошгүй жил ажилласан, удирдлагын зохих дадлага туршлагатай, цахилгааны болон дулааны инженер эсхүл эрх зүй, санхүү, эдийн засгийн чиглэлээр дээд боловсрол эзэмшсэн байх;

-Удирдан зохион байгуулах, багаар ажиллах, манлайлах, олон нийттэй харилцах ур чадвартай байх;

-Компанитай аливаа бизнесийн холбоогүй байх;

-Баримт бичиг боловсруулах, компьютерын хэрэглээний програмуудыг эзэмшсэн байх;

-Зээл буюу батлан даалтын гэрээгээр хүлээсэн хугацаа хэтэрсэн аливаа өргүй байх;

-Ял шийтгэлгүй байх;

-Ёс зүйн болон бизнесийн нэр хүнд нь компанийг удирдахад харшлахгүй байх.

Бүрдүүлэх материал:

1.Сонгон шалгаруулалтад оролцох хүсэлт;

2.Анкет /Төрийн албан хаагчийн анкетыг бүрэн зөв бөглөх, 4х6 хэмжээтэй зураг заавал наасан байх/;

3.Ажил байдлын тодорхойлолт;

4.Нийгмийн даатгалын дэвтрийн хуулбар /e-mongolia лавлагаа/;

5.Иргэний эрүүгийн хариуцлага хүлээж байсан эсэх тухай тодорхойлолт /e-mongolia лавлагаа/;

6.Боловсролын диплом, үнэмлэх, бусад сургалт семинарт хамрагдсан гэрчилгээ, сертификатын хуулбар /нотариатаар баталгаажуулсан байх/;

7.Иргэний үнэмлэхийн хуулбар.

Сонгон шалгаруулалтын материал хүлээн авах хугацаа, газар:

Сонгон шалгаруулалтад оролцох нэр дэвшигчдийн материалыг 2024 оны 10 дугаар сарын 09-ний өдрөөс 2024 оны 10 дугаар сарын 21-ний өдрийн 10:00 цаг хүртэл Эрчим хүчний яам /Засгийн газрын XIV байр/-ны 3 давхар 316 тоот, компанийн Төлөөлөн удирдах зөвлөлийн Нэр дэвшүүлэх хороо хүлээн авна. Холбогдох утас: 51-263071

“Цахилгаан дамжуулах үндэсний сүлжээ” ТӨХК-ийн гүйцэтгэх захирлын ажлын байранд нээлттэй сонгон шалгаруулалтыг дараах байдлаар зохион байгуулна.

Тестийн шалгалт:

Шалгалтыг дараах агуулгын хүрээнд нийт 30 тестээр авах бөгөөд 70 буюу түүнээс дээш хувиар тэнцэнэ. Үүнд:

1.Тухайн салбар, албан тушаалд хамаарах хууль, эрх зүйн мэдлэг;

2.Дүн шинжилгээ хийх, асуудал шийдвэрлэх чадвар;

3.Монгол хэлний ярианы болон бичгийн чадвар, цахим орчин, компьютерын хэрэглээний програм ашиглах чадвар.

Ярилцлагын шалгалт:

Тестийн шалгалтад тэнцсэн нэр дэвшигчээс дараах агуулгын хүрээнд ярилцлага авна. Үүнд:

1.Удирдан зохион байгуулах чадвар;

2.Манлайлах чадвар;

3.Багаар ажиллах чадвар.

Анхаарах зүйлс:

1.Материалыг битүүмжилсэн байх ба дугтуйн гадна талд сонгон шалгаруулалтад оролцогч иргэний оршин суух хаяг, холбоо барих утасны дугаарыг гаргацтай бичих;

2.Материалыг сонгон шалгаруулалтын дараа буцаан олгохгүй;

3.Хугацаа хоцорсон материалыг хүлээн авахаас татгалзана;

4.Материалын бүрдэл дутуу тохиолдолд сонгон шалгаруулалтаас хасна.

“Цахилгаан дамжуулах үндэсний сүлжээ” ТӨХК-ийн

Төлөөлөн удирдах зөвлөл