МЭНДЧИЛГЭЭ

Монгол Улсынхаа гал голомтыг мөнхөд бадраах хариуцлагатай үүргээ нэр төртэй биелүүлж яваа нийт хамт олон та бүхнийхээ амар амгаланг айлтгаж, шинэ оны мэнд дэвшүүлье. Цаг хугацааны түүх болон улиран одож байгаа 2024 он бидний хувьд түүхэн бүтээн байгуулалтын томоохон ажлуудыг хийж хэрэгжүүлсэн, аюулгүй ажиллагааг эрхэмлэсэн, дэвшилтэт технологийг ашиглан зорилго, зорилтоо давуулан биелүүлсэн амжилт бүтээлээр дүүрэн жил байлаа. Тухайлбал,

• Цэвэрлэх, Баянхонгор,  Өндөрхаан,  Даланзадгад, Мөрөн дэд станцуудыг өргөтгөж, шинэчилснээр суурилагдсан хүчин чадлыг нийт 126,3 МВА-р нэмэгдүүлж чадлаа. 
• Монгол Улсын урт хугацааны хөгжлийн бодлого “Алсын хараа 2050”, “Шинэ сэргэлтийн бодлого”-ын хүрээнд 220 кВ, 110 кВ-ын цахилгаан дамжуулах агаарын шугамуудын барилга усралтын ажлыг гүйцэтгэж, 50 МВт чадалтай Багануур “Батарей хуримтлуурын станц”-ыг Эрчим хүчний нэгдсэн системд залган зүгшрүүлэлт хийсэн. БНХАУ-аас ЦЭХ импортлох 220 кВ-ын “Зэс Оюу” хуваарилах байгууламжийн барилга угсралтад компанийн инженер техникийн ажилтнууд ур чадвараа гарган ажиллаж байна.
• Алслагдсан болон сүлжээгүй 72 дэд станцыг технологийн сүлжээнд холбосноор эдгээр нь шуурхай ажиллагаа болон SCADA-д холбогдох бололцоо бүрдлээ.
• Компанийн цахилгаан хэмжлийн лаборатори нь Монгол улсын эрчим хүчний анхны итгэмжлэлийн гэрчилгээ гардан авч, Улаанбаатар салбарт лабораторийн барилга шинээр ашиглалтад оруулсан.
• Компанийн хамт олны дундаас “Аж үйлдвэрийн гавьяат ажилтан” төрж, 2 ажилтан маань Техникийн ухааны докторын зэрэг хамгаалсан. Сургалтын чиглэлээр гадны байгууллагуудтай хамтын ажиллагааг өргөжүүлж, JICA-н төслийн хүрээнд 30 ИТА-г гадаад сургалтад хамруулж, мэдлэг, ур чадварыг дээшлүүлэв. Монгол Улсын тогтвортой эрчим хүчний чадавхыг хөгжүүлэх (МУТЭХЧХ) төсөл”-ийн хүрээнд “Өндөр хүчдэлийн техникч” мэргэжлийн МТБС-ын сургалтын хосмог сургалт зохион байгуулах санамж бичиг GIZ-тэй байгуулж, төслийн ажлыг эхлүүлээд байна.

Өнгөрөн одож буй 2024 онд манай компанийн хувьд гадаад дотоод харилцаагаа өргөжүүлж, үйлчлэх хүрээгээ тэлэх хөгжлийн бодлогод ач холбогдол өгсөн жил байв. Дамжуулах сүлжээний бат бэх шугам болсон хамт олондоо айлчлан ирж буй шинэ ондоо эрүүл энх байж, ажил хөдөлмөрийн талбарт гавъяа алдраа дуурсгаж, компанийхаа нэр алдрыг өндөрт өргөж явахыг ерөөе! Компанийн их түүхийг бичилцэж яваа ахмад буурлууд, нийт хамт олондоо эрүүл энх, аз жаргал, сайн сайхныг хүсч шинэ жилийн баярын мэнд хүргэе.