Үнэмлэхүй “Аварга Баг”-аар шалгарч цомын эзэд болов

Монгол Улсад эрчим хүчний салбар үүсч хөгжсөний 97 жилийн ойг угтсан Эрчим хүчний салбарын “Спортын их наадам 2019” тэмцээн 2019 оны 06 дугаар сарын 25-29-ний өдрүүдэд Буянт-Ухаа спортын ордонд амжилттай болж өндөрлөлөө.

Энэ удаагийн спортын их наадмын ерөнхий зохион байгуулагчаар Эрчим хүчний яам, хамтран зохион байгуулагчаар Эрчим хүчний зохицуулах хороо, Улааанбаатар дулааны сүлжээ ТӨХК, ДЦС-3 ТӨХК, ДЦС-4 ТӨХК, Улаанбаатар цахилгаан түгээх сүлжээ ТӨХК, Цахилгаан дамжуулах үндэсний сүлжээ ТӨХК, Диспетчерийн үндэсний төв ХХК ажилласан бөгөөд эрчим хүчний салбарын 29 үйлдвэр, компанийн баг тамирчид сагсан бөмбөг, гар бөмбөг, шатар, ширээний теннис, биллъярд гэсэн спортын таван төрлөөр ур чадвар, авхаалж самбаа, хурд хүчээ сорин өрсөлдсөнөөс манай компани спортын их наадамд 45 хүний бүрэлдэхүүнтэй баг тамирчид оролцож, гар бөмбөгийн төрөлд эрэгтэй, эмэгтэй баг алтан медаль, сагсан бөмбөгийн төрөлд эмэгтэй баг хүрэл медаль, шатрын төрөлд эмэгтэй баг алтан медаль, ширээний теннисний төрөлд эрэгтэй баг мөнгөн медаль тус тус хүртэж, багийн нийт дүнгээр эрчим хүчний салбарын үйлдвэр компаниудаа тэргүүлэн, үнэмлэхүй “Аварга баг”-аар шалгарч цомын эзэд боллоо. 

Гар бөмбөгийн төрөлд алтан медаль хүртсэн эрэгтэй баг

Гар бөмбөгийн төрөлд алтан медаль хүртсэн эмэгтэй баг 

Сагсан бөмбөгийн төрөлд алтан медаль хүртсэн эмэгтэй баг 

Шатрын төрөлд алтан медаль хүртсэн эмэгтэй баг

Ширээний теннисийн төрөлд мөнгөн медаль хүртсэн эрэгтэй баг

Цахилгаан дамжуулах үндэсний сүлжээ ТӨХК-ийн хувьд эрчим хүчний салбарын 90 жилийн ойг угтсан эрчим хүчний салбарын “Улаанбаатар 2012” спортын наадамд амжилттай оролцож, үүрд хадгалах гранпри шагнал, шилжин явах цомыг хүртэж байсан түүхтэй билээ. Манай хамт олон цахилгаан эрчим хүчийг тасралтгүй, найдвартай дамжуулах эрхэм үүргээ нэр төртэй биелүүлж, улс орныхоо бүтээн байгуулалтын ажилд гар бие оролцож ажиллахын зэрэгцээ спортын амжилтаараа ч эрчим хүчний салбарын үйлдвэр, компаниудаа тэргүүлж байна.

Эрчим хүчний салбарын “Спортын их наадам 2019” тэмцээнд амжилттай оролцсон компанийн баг тамирчид, хөгжөөн дэмжигчдэдээ баяр хүргэж, спортын болон ажлын өндөр амжилт хүсэн ерөөе.